DC MNTENJELE AWAHIMIZA WAZAZI KUWACHANGIA CHAKULA WATOTO WAO MASHULENI

Posted on: February 14th, 2024

Mkuu wa wilaya ya Tarime Mhe. Kanali Michael Mntenjele amewataka wazazi na walezi wa Halmashauri ya mji Tarime kuendelea kuwachangia chakula watoto wao ili wapate angalau mlo mmoja wakiwa shuleni 

Wito huo ameutoa jana kwenye kikao cha baraza la madiwani kilichofanyika kwenye ukumbi wa Halmashauri ya mji Tarime huku akisisitiza maafisa elimu sekondari na msingi kulisimamia swala hilo kwani litapunguza kiasi kikubwa cha utoro na matokeo mabaya kwenyebmitihani hasa ya kitaifa

"Niwaombe wazazi mjitahidi sana kuchangia chakula ili watoto wetu wapate chakula angalau mara moja wawapo mashuleni, wengi tumeona matokeo ya kitaifa watoto wetu wamefeli hii ni kutokana na utoro na watoto wengi kutokuwa makini wawapo kwasababu ya njaa"  amesema Mntenjele