KAMPENI YA MAGEUZI YA KIFIKRA NA MTAZAMO YAZINDULIWA TARIME

Posted on: April 14th, 2025

Naibu Katibu mkuu wa maendeleo ya jamii na makundi maalum kutoka Wizara ya maendeleo ya jamii, jinsia, wanawake na makundi maalum Wakili Amon Mpanju amezindua rasmi kampeni ya Kitaifa ya mageuzi ya kifikra na mtazamo ya kuwafanya wananchi kuwa kitovu cha maendeleo

Uzinduzi huo umefanyika leo katika Halmashauri ya Mji Tarime na kufuatiwa na semina kwa viongozi mbalimbali wa Wilaya hiyo huku Wakili Mpanju akiwataka viongozi hao kutoa ushirikiano ili kampeni hiyo iwafikie wananchi wote

"Tutapita Kata zote za Wilaya hii niwaombe Viongozi tushirikiane ili tueze kulifanikisha hili kwa Mhe Rais wa Jamhuri ya Muungano wa Tanzania Mhe. Dkt Samia Suluhu Hassan ametuagiza tufikishe elimu hii kwa wananchi ili wajue wao ni sehemu ya maendeleo" amesema Mpanju

Aidha, Wakili Mpanju amesema lengo kuu la Kampeni hiyo nchi ni kuhakikisha wananchi wanatumia fursa na rasilimali zilizopo kwenye mazingira yake kwaajili ya kujiletea maendeleo yake binafsi na Taifa kwa ujumla na kampeni hiyo itafika mikoa yote ya Tanzania Bara

kwa upande wake Mkuu wa Wilaya ya Tarime Mhe. Meja Edward Gowele amewashukuru wizara hiyo kwakuichagua Wilaya ya Tarime kuanzia kampeni hiyo na kuwaahidi kuwapa ushirikiano ili lengo kampeni hiyo litimie

Kampeni hiyo imeanza leo na itahitimishwa kwa Wilaya ya Tarime tarehe 18/04/2025 imebeba kauli mbiu ya “ Mama samia na maendeleo hadi kieleweke”