MBUNGE KEMBAKI AKABIDHI MADAWATI 70 HALMSHAURI YA MJI TARIME

Posted on: May 8th, 2025

Mwenezi wa Chama Chama Mapinduzi Wilaya Tarime Bw. Malema Sollo kwa niaba ya Mbunge wa Jimbo la Tarime Mjini Mhe. Mwita Michael Kembaki amekabidhi madawati 70 kwa shule sita za msingi Halmashauri ya Mji Tarime

Makabidhiano hayo yamefanyika leo katika shule ya Msingi Turwa ambapo amewahakikishia Mbunge ataendelea kuwa sehemu ya maendeleo ya elimu katika Halmashauri hiyo

"Mhe Mbunge katoa haya madawati ili watoto wetu wasome vizuri na amehaidi ataendela kujitoa ili shule zetu ziwe za mfano hivyo pokeeni na mambo mazuri yatazidi kuja" Amesema Malema

Kwa upande wake kaimu Afisa elimu Msingi Halmashauri ya Mji Tarime Bw. Mathayo Hamis kwa niaba ya Mkurugenzi wa Mji amemshukuru Mbunge Kimbaki kwakuendelea kusaidia miundombinu mbalimbali ya elimu

"Kwa niaba ya Mkurugenzi tunashukuru kwa madawati haya tutayatunza vizuri ili yawasaidie watoto wengi tunazidi muomb Mhe Mbunge asichoke azidi kusaidia jimbo lake hasa katika eneo hili la elimu" amesema Mathayo

Madawati hayo yamegharimu jumla ya kiasi cha TZS Milioni 4.9